Hvað er SAFT?
SAFT - Samfélag, fjölskylda og tækni, er vakningarátak um örugga tækninotkun barna og unglinga á Íslandi. Verkefnið er hluti af Safer Internet Action Plan, aðgerðaáætlun Evrópusambandsins um öruggari netnotkun og er styrkt af ESB. Samningsaðili við ESB er Heimili og skóli - landssamtök foreldra, sem sér um að annast útfærslu og framkvæmd verkefnisins að öllu leyti fyrir Íslands hönd.
Heimili og skóli er í samstarfi við önnur lönd í Evrópu og deilir með þeim upplýsingum, aðferðafræði og þekkingu. Markmiðið er að til verði sameiginlegur evrópskur sjóður þekkingar og aðferðafræði á þessu sviði sem styður hið jákvæða og hamlar gegn neikvæðum hliðum upplýsingatækninnar.
Verkefnastjórar
Í verkefnastjór SAFT sitja Guðberg K. Jónsson, formaður; Sjöfn Þórðardóttir, formaður Heimilis og skóla; Olga Möller, framkvæmdarstjóri Heimilis og skóla; Guðni Olgeirsson, Menntamálaráðuneytið; Sólveig Jakobsdóttir, Menntavísindasvið, Háskóli Íslands; Jenný Ingudóttir, Lýðheilsustöð; Jóna Sverrisdóttir og Ólafur Elínarson, Capacent Gallup.