SAFT KANNANIR
SAFT 2009
Á vegum Saft var gerð yfirgripsmikil könnun 2009 á netnotkun íslenskra barna og unglinga á aldrinum 9 - 16 ára þar sem lagðar voru spurningar fyrir bæði börn og foreldra. Niðurstöður má nálgast hér neðar.
SAFT 2009 Children Survey (English)
SAFT 2009 Parent Survey (English)
SAFT 2007
Á vegum Saft var gerð yfirgripsmikil könnun 2007 á netnotkun íslenskra barna og unglinga á aldrinum 9 - 16 ára þar sem lagðar voru spurningar fyrir bæði börn og foreldra. Niðurstöður má nálgast hér neðar.
Tölvuleikjanotkun íslenskra barna
Í september 2005 var gerð fyrir SAFT könnun á tölvuleikjanotkun íslenskra barna á aldrinum 9 - 16 ára. Könnunin var gerð af Rannsóknum og greiningu. Þar kom m.a. fram að margi foreldrar þekktu lítið eða ekkert til þeirra tölvuleikja sem börnin þeirra væru að spila. Í framhaldi af niðurstöðum könnunarinnar stóð SAFT fyrir fjölmiðla- og auglýsingaátaki um mismunandi eðli tölvuleikja og nauðsyn þess að þekkja PEGI aldursflokka- og innihaldsmerkingarnar sem eru á flestum tölvuleikjum sem seldir eru hérlendis. Átakið var unnið í samstarfi við SMÁÍS - Samtök myndrétthafa á Íslandi og með stuðningi menntamálaráðuneytisins, Microsoft og PEGI (Pan European Games Information). Einnig var kynningarbæklingurinn Fyrir hvern er tölvuleikurinn? sendur heim til foreldra allra grunnskólabarna með aðstoð grunnskólanna í landinu.
Fyrir og eftir átakið gerði Gallup fyrir SAFT könnun á þekkingu fullorðinna á PEGI merkingum á tölvuleikjum. Með því að smella á myndina hér fyrir neðan opnast pdf skjal með skýrslu um helstu niðurstöður kannana um tölvuleikjanotkun barna og þekkingu fullorðinna á PEGI merkingunum. Skýrslan er á ensku
SAFT 2003
Heildarniðurstöður kannananna: |
 Barnakönnun |
| Foreldrakönnun |
| Samanburður |
| Ef þú hefur ekki Microsoft PowerPoint á tölvunni þinni geturðu sótt PowerPoint skoðara hér. |
Á vegum Saft var gerð yfirgripsmikil könnun 2003 á netnotkun íslenskra barna og unglinga á aldrinum 9 - 16 ára þar sem lagðar voru spurningar fyrir bæði börn og foreldra. Sama könnun var einnig gerð á sama tíma í samstarfslöndum Saft; Noregi, Danmörku, Svíþjóð og Írlandi.
Spurningar voru lagðar fyrir foreldra í desember 2002 og fyrir börnin í janúar 2003.
Bæði foreldra- og barnakönnuninni var stjórnað af MMI í Noregi en gögnum á Íslandi var safnað af Gallup. MMI sá um gagnasöfnun í hinum þátttökulöndunum fimm. Hringt var til 800 foreldra með börn á aldrinum 6-16 ára og lagðar fyrir þá 57 spurningar en barnakönnunin var framkvæmd í 25 grunnskólum á meðal tæplega 1.000 íslenskra barna. Þar svöruðu börn á aldrinum 9-16 ára spurningalistum. Á niðurstöðum þessara kannana verður útbúið kennsluefni ætlað foreldrum, kennurum og börnum.
Niðurstöður kannananna eru kærkomið verkfæri í hendur foreldrum og skólastarfsmönnum sem allir eru að feta sig áfram sem uppalendur án fyrirmyndar þegar kemur að netnokun. þær sýna að börn vilja helst fá leiðbeiningar um notkun Netsins frá foreldrum og skóla.
Foreldrakönnunin
Foreldrar á Íslandi, Danmörku, Noregi og Svíþjóð sem hafa Net-tengingu og eiga börn á aldrinum 6-16 ára sem búa heima, segjast í 95% tilfella nota Netið reglulega. Rúmlega 80% íslenskra foreldra segjast vera hæfir notendur og er það hærri tala en í samanburðarlöndunum. Foreldrar í öllum þátttökulöndunum telja að 98% af Internetnotkun barna sinna fari fram á heimili barnsins.
Aðspurðir, telja um 30% íslenskra foreldra að mesti hagur barna þeirra af notkun netsins sé fólgin í skemmtun og tölvuleikjum en svipað stór hópur setur heimanám í fyrsta sæti. 66% foreldra telja að þeir þurfi frekari upplýsingar um öryggi á Netinu og 63% þeirra vill fá þessar upplýsingar frá netþjónustufyrirtæki eða á foreldrafundum í skólum barna sinna. Þar skera íslenskir foreldrar sig úr því foreldrar í samanburðarlöndunum vildu frekar fá upplýsingarnar sendar frá yfirvöldum í landinu í pósti.
Barnakönnunin
Niðurstöður könnunarinnar sýna að 100 % íslenskra barna á aldrinum 9 til 16 ára hafa notað tölvur. Meira en helmingur þeirra segist hafa haft tækifæri til að vafra á Netinu án vitundar foreldra sinna. Börnin segjast líka vita meira um Netið en foreldrar þeirra. Samkvæmt börnunum vita feður og mæður álíka mikið um Netið en börn tala almennt meira um reynslu sína af Netinu við mæður sínar. Íslensk börn ræða minna um reynslu sína af Netinu en börn í hinum þátttökulöndunum.
Íslensk börn segja foreldrum sínum sjaldan frá reynslu sinni af Netinu. Yfir helmingur barna á aldrinum 9-16 ára telur sig geta notað Netið án vitundar foreldra. Þetta eru niðurstöður könnunar sem gerð var meðal 10 þúsund barna og foreldra í fimm löndum.
Munur á milli foreldra- og barnakannana
Könnunin staðfestir einnig að það er munur á því sem börn gera á Netinu og því sem foreldrar halda að þau geri. ,,Börn eru almennt mjög sjálfsörugg og nokkuð meðvituð um takmarkanir og hættur þess sem leynast á Netinu, segir Björn Kvernberg, framkvæmdastjóri hjá MMI, markaðs- og rannsóknarfyrirtækinu sem framkvæmdi báðar SAFT kannanirnar.
Sem dæmi má nefna að á meðan 87% foreldra segjast sitja hjá börnum sínum þegar þau vafra um Netið upplifa einungis um 22% barna að svo sé. Þannig sýna niðurstöður að börnum finnst foreldrar ekki fylgjast mikið með eða ræða þeirra notkun á Netinu. Þessi vitneskja gefur foreldrum gott svigrúm til að ræða öryggi á Netinu og reglur sem þeir vilja að farið sé eftir við notkun þess án þess að börnum finnist að sér þrengt.
| Nokkra af helstu niðurstöðum kannananna eru: |
| » 96% þeirra foreldra sem tóku þátt í foreldrakönnuninni hafa farið á Netið og af þeim skoða 83% efni á Netinu reglulega. » Þau börn sem könnunin náði til hafa í um 99% tilfella aðgang að Netinu, ýmist á heimili sínu eða annars staðar, og flest þeirra skoðuðu Netið í fyrsta skipti á aldrinum 5 til 8 ára. » Meira en helmingur þeirra segist hafa haft tækifæri til að vafra á Netinu án vitundar foreldra sinna. » Um 87% foreldra segjast sitja hjá börnum sínum þegar þau vafra um Netið en einungis um 22% barnanna segja að svo sé. » Um 49% barna sem nota Netið hafa heimsótt síður með klámfengnu efni fyrir slysni og 27% þeirra af ásetningi, flest drengir. Um fjórðungur þeirra sem hafa heimsótt vefsetur með klámfengnu efni segjast hafa slegið inn ranga slóð og fengið síðuna þannig upp. » 66% barna segjast nota spjallrásir á Netinu og 41% segir að fólk sem þau hafa kynnst á Netinu hafi beðið þau að hitta sig augliti til auglitis. Þar af hefur 21% þeirra barna sem fara á spjallrásir hitt í eigin persónu einhvern sem þau kynntust á Netinu. |
Smellið á myndina til að skoða bæklinginn (PDF)