Facebook getur verið varasamt námsmönnum: Einkunnir lækka um allt að 20 prósent

Það getur verið freistandi að líta upp úr námsbókunum til að skreppa á Facebook. Mynd: http://www.odt.co.nz

Þeir sem nota samskiptasíðuna Facebook meðfram náminu sínu hætta á að einkunnir þeirra lækki um allt að 20 prósent. Sálfræðingar segja að þeir sem nota síðuna eyða allt of miklum tíma í ekki neitt.

Bandarísk rannsókn á rúmlega 200 nemendum leiðir í ljós að meðaleinkunn þeirra sem nota Facebook var 3.06 af 4 mögulegum. Þeir sem komu ekki nálægt Facebook voru með meðaleinkunina 3.82.

Fólk heldur að með því að vera að skipta stöðugt á milli verkefna, þá nái það að gera fleiri hluti á skemmri tíma. Raunveruleikinn er hins vegar sá að tíminn sem á að fara í verkefninn minnkar og fleiri mistök eru gerð,

segir sálfræðingurinn Paul Kirschner sem gerði rannsóknina. Einungis þriðjungur aðspurðra töldu að Facebook-notkun þeirra hefði engin áhrif á námið.

Önnur sambærileg rannsókn leiðir í ljós að þeir sem nota ekki Facebook eyða 88 prósent meiri tíma í heimanám en þeir sem nota síðuna.

Til baka

Heimili og skóli - Suðurlandsbraut 24, 4.hæð - 108 Reykjavík - sími: 562 7475 - saft@saft.is

Keyrir á WebEd Pro frá Hugsandi Mönnum