Nýjar leiðir fyrir fatlaða með netinu

Netið hefur reynst mörgum sem eiga við fötlun að stríða vel. Í frétt AFP kemur fram að Sally Harrison, sem hefur átt við andleg veikindi að stríða, hafi eignast nýtt líf á samskiptavefnum Facebook. 

AFP tekur einnig dæmi af blindum manni sem eru allir vegir færir með snertiskjá og annarri tækni sem boðið er upp á í dag.

 Harrison hefur í mörg ár ekki getað átt eðlileg samskipti með annað fólk en eftir að hún kynntist Facebook þá hafi hún endurnýjað tengsl við fólk sem hún þekkti áður.

Kemur fram í úttekt AFP að svo virðist sem samskiptavefir eins og Facebook geti gefið fólki möguleika á að mynda varnarskjöld í kringum sig. Það geti valið og hafnað því hverjir fái að sjá ákveðnar upplýsingar um það. Með þessu er hægt að koma í veg fyrir að fólk gefi sér ákveðnar skoðanir fyrirfram um viðkomandi.