GOOGLE ÆTLAR AÐ HAFA BETUR GEGN FACEBOOK
GOOGLE ÆTLAR AÐ HAFA BETUR GEGN FACEBOOK
TÆKNI 08:00 › 2. ÁGÚST 2010
Google ætlar sér sigur í baráttu við Facebook um að eiga stærstu samskiptasíðu heimsins. Facebook eins og allir vita nýtur gífurlegra vinsælda en Google reyndi að koma með svipaða síðu sem átti að ná meiri vinsældum. Síðan heitir Buzz en hefur ekki alveg náð þeim hæðum sem Google vonaðist eftir.
Google hefur því tekið upp á því að þróa síðuna betur og ætlar að gera það með því að slá Facebook við með aukasíðum. Google hefur til að mynda rætt við margar netleikjasíður til þess að fá þær til að keyra leiki sína á Buzz. Með því vonast Google til að fjölga notendum Buzz og ná þar með afgerandi markaðsforskoti í samskiptasíðnageiranum.
